QERS - Qers de operasyonê hemverê HDPyî de Hemşaredara Qersî Şevîne Alaca zî tede xeylêk kesî ameyî destbendkerdene.

 

Qers de çarçewa operasyonê vera Partîya Demokratîke ya Şaran (HDP) de polîsan seatanê serê sibayî de eşt xeylêk keyeyan ser. Ame vatene ke derheqê 19 kesan de qerarê destbendkerdişî esto.

 

Seretiş de Hemşaredara Qersî Şevîne Alaca, Hemserekê HDPyî yê Bajarî Cengîz Anli, hetkarê hemşaredaran û endamê Meclîsê Pêroyî yê Bajarî zî tede xeylêk kesî ameyî destbendkerdene.

 

Kesê ke ameyî destbendkerdene nameyê înan wina yê. Hemşaredara Qersî Şevîne Alaca, Hemserekê HDPyî yê Bajarî Cengîz Anli, hetkarê hemşaredaran Muazzez Çagritekinci, Fahrettin Kaya, Kaya Naki, Suat Bayhan, Hamit Taşdelen, Reis Baykiz, Zorba Başkurtlu, Bulent Agbaba, Şengule Erkmen, rojnamegere Sevda Manduz.