Şehrîban Abî

 

WAN - Zahîde Basî ke Erdîş de ciwîyena 12 serrî de lihêf û doşekan derznena û karê xo cinîyê taxe rê zî kerd. Zahîde ke bi heskerdiş karê xo kena, bale ante serê girîngîyê ekonomîya ya cinîyan.

 

Welat de krîz her ke şono giran beno û hûmara betalan zî zêde bena. Welatî zî seba zamê ke serê yewbînan de yenê kerdene, zehmetîyan ancenê. Taxa Sulû ya Erdîşî ya Wanî, cinîyan bi nameyê Zahîde Başî mîyanê şertê zor û zehmet de, seba debara xo bi 12 serrî lihêfan derzena.

 

'Karêko zehmet o, pêwa nê heqdestê xo nêgîna'

 

Zahîde ke 6 serrî verê mêrdeyê xo qezaya trafîkî de vînî kerd, domanê ci heme zewicnayîne û bi tena serê xo ciwîyena. Zahîde wina va: "Ez bi viraştişê lihêf û doşekan debara xo kena. 12 serrî nê karî kena. Heba doşek û lihêfî bi 25-30 TL viraznena. Viraştişê doşek û lihêfêke 2-3 saetan dewam keno. Karêk zehmet o. Pêwa nê zî heqdestê xo nêgîna."

 

'Mi karê xo musna cinîyê bînan zî' 

 

Zahîde, da zanayîş ke seba her cinî keyeyê xo de lihêf û doşek viraznenê, vayîyê ci zî erjan o û wina va: "Mi Stenbol de nê karî bikerdêne do qezenc zêde bîne. Verê mi bi 60-70 TL viraştêne. Nika erjan viraznena. Taxa de yewin kesa ke nê karî kerd ez a. Mi cinîyanê taxe rê musna."

 

'Wa cinî nêewnî destê kesê bîn ra'

 

Zahîde wina qedêna: "Seba krîzî di serrî peyîn ez aciz bîya. Pêwa her çî ez debara xo kena. Ez wazena pereyê xo qezenc bikerî. Wa cinî nêweno destê yewî bîn ra. Ez fatureyê xo dana û hewcedarîyê xo eşkena bigîrî."