QAMIŞLO - Cinîyê ke xebata  PYDyî de ca gênê, bi eşkerayîyêke şîdetê serê cinîyan şermezar kerdî.

 

Cinîyê ke xebata Partîya Yewîya Demokratîk (PYD) de cayê xo gênê û bi beşdarbîyayîşê sazgeh û dezgehê cinîyan bi eşkerayîyêke şîdetê serê cinîyan şermezar kerdî. Eşkerayî merkezê PYDyî ya şaristanê Qamişloyî ame dayene. Eşkerayî de fotografê Rayberê PKKyî Abdullah Ocalan û beyraqê PYDyî amebî berzkerdene. Eşkerayî hetê Mamoste Sîwan Mihemed ra ame wendene.

 

Eşkerayî wina ya:

 

Ma sey endamê PYDyî, şîdetê ke serê cinîyan de yeno kerdene şermezar kenê. Ma waştişê rêxistinê heqê merdiman kenê ke derheqê şîdetê serê cinîyan de hîn tedbîran bigîrê û pawitişê rûmet û heqê cinîyan bikerê. Ma nika seserra 21 de ciwîyenê, la heta roja ewro zî adetê kan ê komelî serê cinîyan de ke hetê camêrdan ra yeno kerdene vînenê. Heta roja ewro zî cayê ke îşxalkerde sey Serêkanî, Efrîn û Girê Spî cinî rastê şîdetî yenê. Ma nê kerdişan hemverê cinîyan bi şîdet şermezar kenê. Ma sey endamê tevgerê azadî û rêxistinê cinîyan bi fikr, fehm û felsefeyê Rayber Apo reyde ciwîyenê. Ma veng danê heme sazgeh  û rêxistinê heqê merdiman ke hemverê şîdetê cinîyan vinderê û nêverdê cinî rastê şîdetî bêrê."

 

Eşkerayî bi sloganê, "Cinî ciwîyayîş azadî" peynî bî.