MEXMÛR - Roniştoxê Kampa Multecîyan a Şehîd Rûstem Cûdîyî (Mexmûr) bi eşkerayîyêke vera destbendkerdişê sîyasetmedaran dayî û şermezar kerdî.

 

Roniştoxanê Kampa Multecîyan a Şehîd Rûstem Cûdîyî (Mexmûr) seba wayîrvejîyayîşê HDPyî eşkerayîyêke daye. Roniştoxî Keyeyê Şehîdan de ameyî pêser û deqayêkê rêxgirewtişî ra dima eşkerayîye hetê Mamosta Mala Şîrînî ra ameye wendene.

 

Eşkerayîye de wina ame vatene: "Dewleta tirke serê şarê ma de qetlîaman kena. Sewbîna hêrişê sîyasetmedaran kena. Ma sey şarê Kampa Mexmûrî venga pêro kurdan danê ke dewleta îşxalkere ra metersê û cewabê nê hêrişan bidê. Êyê ke xo rê vanê kurd ganî vera nê hêrişan bêveng nêmanê.''

 

Peynîya eşkerayîye de zî wina ame vatene: "Ma do heta peynî hetê sîyasetmedaranê kurdan de bê û pê xoverdayîşê înan sereberz ê."