ENQERE - Ame parekerdene ke wextê nezaretî yê sîyasetmedar û HDPyîjanê ke çarçeweya tehqîqatê ‘Kobanê’ de ameyî destbendkerdene, ame dergkerdene.

 

Bi fermanê Serdozgerîya Komare ya Enqere endamê Heyetê Rayberdişê Merkezî yê Partîya Demokratîke ya Şaran (HDP) û HDPyîjê verênî zî tede 20 sîyasetmedarî 25ê êlule de ameybî destbendkerdene. Sîyasetmedarî Mudirîya Polîsan ya Enqere de yenê tepiştene. Operasyon 7 şaristanan de amebi kerdene. Avûkatanê sîyasetmedaran dabî zanayene ke asayîş de hema zî îfadeyê muwekîlanê înan nêameyo girewtene û wextê nezaretî yê HDPyîjan do bêro dergkerdene.

 

Ame zanayene ke bi talebê dozgerîye wextê nezaretî yê sîyasetmedaran ame dergkerdene.