Şehrîban Abî

 

COLEMÊRG - Berîvanê ke dewa Guldali ya Geverî de ciwîyenê û debara xo bi pesdewarî kenê û dîyar kerdî ke pesdewarî sey verê eleqe nêvîneno û êdî berardiş zî çin o.

 

Colemêrg û qezayê ci ke çimeyê xozayî yê awe koyê berzî yê, pesdewarî çimeyê debara înan o. Şarê ke dewa Bilindbasanî ya Geverî ya Colemêrgî de ciwîyenê zî debara xo bi pesdewarî kenê. Berîvanî her roj eynî saete de zozananê dewe de yenê têhet û pesê xo ancenê. Beşêk şitê xo roşenê û beşêk zî seba xo verdenê. Berîvanê ke heta peynîya êlule pes ancenê, gerre kenê ke emsar nêeşkayê berardişê xo biroşê.

 

Qendê Firat dîyar kerd ke serê siba senîn wirzena karê keyeyî kena û saete 10.00 de bi cinîyan dir şina zozanan û wina vat: “Ma 4 saetan binê roje de vindenê. Ma pes ancenê û saete 14.00 de agêrenê keye. Ma 9 cinî yenê zozanan. Verê her keyeyêk de tewr tay 50 mêşinê înan bî nika ê hemine tewr zêde 15 hebî estê. Yewin çimeyê debara ma pesdewarî ya. 20 rojê ma yê bînî zî estê ke ma pes biancê.”

 

Xecê Sakar, vat ke karê înan viraştişê werdî, antişê pes û pakkerdişê keyeyî yo û vat: “Ma heqdestê keda xo zî nêgînê. Yewin çimeyê debara ma pesdewarî yo. Êyê ke heywanê înan zêde yê, problemê debare nêcuwîyenê. La êyê ke çin o ciwîyenê.”

 

Safîye Otken zî dîyar kerd ke pesê înan çin ê la seba şit, penîr û bi pere, yena pesê şarî ancena û vat: “5 domanê mi estê. Mêrdeyê mi nêxebityeno. Karê ke ma bikerê çin o. Seba debare ez mecbur a bêrî. Ez keyeyê xo wina wey kena.”