AMED - Sîneme Acay ke pêwa pêro astengîyan fek karê xo ra vera nêda û 5 serrî yo şîranîrotoxî kena. Hîrên serra şîranîrotoxî de xelata muteşebbisî girewte û karê xo bi heskerdiş kena.

 

Cinîyê ke her wareyê ciwîyayîşî de têkoşîn kenê, her ca de rastê bêtêduştî yenê. Cinî hemverê karê ke kenê de qalibê  cinsperestî de yenê û pêwa nê îstîhdamê xo awan kenê. Proseso peyîn de mumkin o ke merdim tamîratê erebe, şoforî û benzînxanayen de cinîyan bivîno. Cinî beşdarê meslegê mêrdan benê û karê xo de serkewte yê.

 

Cinîya bi nameyê Sîneme Acay ke Sûrê Amedî de ciwîyena zî nê cinîyan ra ya.  Sîneme ke kuçe de şîranîrotoxî kena, xeylê rey rastê vatişê, ‘karê camêrdan o' yena. La Sîneme karê xo dewam kena û di serrî verê hemverê nê xeleta muteşebbisî gêna.

 

5 serrî yo karê şîranîrotoxî kena

 

Sînema ke 5 serrî yo şîranîrotoxî kena û roşena, dîyar kerd ke zehmetî bianco zî karê xo ra zaf hes kena û vat, verê nê karî pastaxane akerda û uca de xebityaya û dima ra qerar daya ke şîrînayî biroşa. Sîneme dîyar kerd ke mêrdeyê ci zî nê karî kerdo û vat: "Ez şîne hetkarîya ci. Dima ra mi kar dewr girewt. Nika dikan de ez esta. Binê serdestîyê mêrdeyî de mi nêwaşt xebate bikera. Mi waşt ke ez îdareyê ci de bixebityî. Mi waşt ke hêzê xo ramojnî."

 

'Ganî cinî her cayî de bibê'

 

Sîneme sewbîna dîyar kerd ke esnafê camêrdî aye nêrehet kenê û vat: "Camêrdî vanê, 'ti beşdarê karê camêrdan bena.' Cinîyan qij vînenê. Hîn esnafê camêrdî vanê, şêrê keyeyê xo de roşê. Mi qetî goş nêda înan. Gerek bimusê cinîyan her ca de bivînê. Hetê psîkolojîk de zehmetîyan ancena, la mi xo rê nêke derd. Oyo ke mi dano zor no yo; karê keyeyî û dukanî yo. La mîyanê demî de mi o zî çareser kerd."

 

'Ganî her cinî serê lingan de vindera'

 

Sîneme tewr peyîn wina vat: "Şarê Amedî şîrînayî ra zaf hes keno. Karê ma zî baş o. Her çiqas pandemî de ma akerdebî zî 6 mengan karê ma nêbi. Pêwa her çî ma fek karê xo ra vera nêda. Cinî eşkenê her çî bikerê. Ganî cinî wareyê xebata xo awan bikerê û serê lingan de vinderê."