Bi rayberîya Tevgerê Cinîyê Azad (TJA) kampanyaya ‘Ma xo pawenê' ame destpêkerdene û Denîzlî de zî 20ê temmuze de ame destpêkerdene. Aktîvîsta TJAyî Cevahîre Kayar derheqê kampanya de qisey kerd.  

 

Cevahîre dîyar kerd ke kampanyaya, "Ma xo pawenê" hîtabê hewcedarîyê cinîyê Rojawanî zî keno û vat: "Şîdetê hemverê cinî, îhlalkerdişê kede û polîtîkayê ke vetê pandemî dir hîna giran bîyo. Nînan ra zî yew caardişê tiryakî yo. Mîyanê ciwanan de caardişê tiryakî hîna zêde bîyo. Nimûne, taxêke ma ya nufusê kurdan zêde esta. Rojêk kesêk yeno keyeyêk kîra keno. Rewşa ey ekonomî baş nîya. Heta welatîyê taxe hetkarîyê ekonomîye danê. La dimayê demêk, ciwanan anceno xo û tiryakî musneno. Şewêke nişkeva ra werte ra vinî beno. La taxe de nika keyeyê ke tîryakî nêxebitnê çin ê. Welatî nê nêmnenê û dayîkî zî sey her wext îtîraz kenê."

 

'Koletî yeno ferzkerdene' 

 

Cevahîre wina dewam kerd: “Bi pandemî dir barê cinîyan giran bi û cinî rastê teda û tehdîdan yenê. Wexto ke ma cinîyan dir qisey kenê, ma nê hîs kenê. Cinî bi endîşe yê. Ma hewl danê ke têkoşînê pawitişî pîl bikerê. Denîzlî de cinîyê ke fikrê înan cîya yê, yenê têhet û Platformê Cinî bi Pîya Xurt de ca gênê. Afganîstan û Somalî de koç estê. Problemê koçberan nîno zanayene. Cinîyê Ermenî û Elewî estê. Rewşa şertî bêrê awankerdene de, merdimî eşkenê xo biresnê nê cinîyan."

 

'Ma paştdayîş pîl kenê'

 

Cevahîre tewr peyîn bale ante serê hêrişê nîjadperestî yê hemverê kurdan û vat: "Ma cinîyê HDPyîjî bi eynî vatişî şênê. Ma wazenê ke cinî bibê yew. Demêk cinîyêk rastê tecawuzî yena; ma nasnameyê ci pers nêkenê. Ganî ma verê înan de bê. Nimûne Gulîstane Doku û Îpeke Er esta. Ma do paştdayîş pîl bikerê."