AMED - Îdarekara TTByî ya Amedî Evîn Bahar Toy, bale ante serê hedef ramojnayîşê TTByî û vat: "Her cayê welat de bi desan doktor û xebatkarê weşîye no kurdeleyê sîya kerdî xo wa û bi na çalakîye ma benê cewabê polemîkê sîyasî." 

 

Tehdîdê serê Yewîya Doktorê Tirkî (TTB) her ke şono zêde beno. Sere de serekê pêroyî yê MHPyî Devlet Bahçelî vat, ganî TTB bêro padayîş dima ra rojnameya bi nameyê Yenî Akît bi sernameyê, “TTB sey teyrê Qendîlî yo” kerdib hedef. Îdarekara TBByî ya Amedî Elîf Turane derheqê babete de ajansê ma rê qisey kerde.

 

Elîfe sere de bale ante serê vatişanê Devlet Bahçelî û wina vat: "Devlet Bahçelî, serekêk sîyasî yo. Xebatkarê weşîye nîyo. Ma sey TTByî hemverê şubeyî xo rê şar rayber vînenê. Şarê ma probleman ciwîyeno, xebatkarê weşîye zî. Helbet no hêrişo yewin nîyo û peynî nêbo."

 

Elîfe dîyar kerd ke lazim o TTB, seba pawitişê şarî û vernîgirewtişê şubeyî raya umumî îqaz bikero û wina vat: "TTB, sereyê pandemî de heta ewro seba ke prosesê şube bi hawayêko zelal bikero xebate kerdêne. Coka reaksîyonê kesê ke xebatê TTByî rê danê, normal vînenê. La ganî kêmî û hewldayîşê înan serê çareserî bi hêrişê TTByî nîno girewtene. Verpayê ci probleman bîyarê têhet û serê çareserkerdişê probleman ganî xebatan bikerê."

 

Elîfe dewam de wina vat: "Destpêkê şubeyî de heta nika ma bi desan xebatkarê weşîye vindî kerd. Vîrardişê embazanê ma yê ke seba COVID-19î înan vindî kerd, deynê ma yê wefayî yo seba înan. TTB bi çalakîya kurdeleyê sîya zî berpirsîyarîyê xo bi ca ard.  Kurdeleyo sîya, her hetê dinya ra yeno manaya ke sembolê şîn girewtişî. Sewbîna kurdeleyê sîya seba kesê ke vera têkoşînê şubeyî de polemîkê sîyasî awan kenê rê bî cewab. Her cayê welatî de bi desan doktor û xebatkarê weşîye no kurdeleyê sîya kerdî xo wa û seba embazanê xo yê ke dinyaya xo bedilnayî, kewtî vindertişê rêzdarî. Eynî wextî de na çalakî nîşaneyê qîrînayîşê, 'şima nêeşkenê îdare bikerê, ma qedenê' bî.