KONYA - Kadîr Şeker 5ê sibate de gama ke camêrdo bi nameyê Ozgur Duranî cinîyêk derb kerdêne mudaxaleyê ci kerd û bî sebebê mergê Ozgurî. Dewaya ke Şeker yeno muhakemekerdene rê mutalaa dîya û roniştişê doze yew aşme ame taloqkerdene.

 

Kadîr Şeker Konya de 5ê sibate de gama ke camêrdo bi nameyê Ozgur Duranî cinîya bi nameyê Ayşe D. derb kerdêne waşt ke ci asteng bikero û cinî derbkerdişî ra bixelesno. La Kadirî mudaxalekerdiş de bî sebebê mergê Ozgurî. Roniştişê doze 3. Mehkemaya Cezaya Giranî ya Konya de ameye vînayene.

 

Meqamê îdîayî qerar da ke roniştiş bêro taloqkerdiş û waşt ke Kadîr Şeker ‘caardişê kêmîkerdişê tahrîkî’ mabenê 12 û 18 serran de cezaya zîndanî bîgîro. Roniştişê dewa yew aşme ame taloqkerdene

 

Heyetê mehkema qerar da ke tepiştişê Kadîrî bêro dewamkerdiş û roniştiş taloqê 15ê Teşrîna Verêne kerd.