Hesna Mihemed

 

ŞEHBA - Mamosta û wendekarê Efrînijî yê ke Kantonê Şehbayî de manenê hîsê xo seba perwerdeyê 2020 û 2021 ardî ziwan û wina vatî: "Ma derbazê serra newe ya wendişî bî, no zî zaf kêfweşî ma dir ano meydan. Dimayê demêko derg, reyna ma ageyrayî mektebanê xo."

 

Îdarekarîyê Xoser, dimayê vilabîyayîşê vîrusê Koranayî û tehlukeyê serê weşîya wendekran, qerarê peysereştişê akerdişê mekteban dabi. Mektebê ke akerdişê înan seba demêk amebi taloqkerdene, 12ê Êlule de dest bi serre û perwerd yê 2020 û 2021 kerd. Derheqê babete de Mamoste û wendekarê Efrînî yê ke Kantonê Şehbayî manenê, hîsê xo ardêne ziwan û ma dir pare kerd.

 

'Ma do weşîye wendekarê xo bipawê'

 

Îdarekara Mektebî kampa Berxwedanî yê Kantonê Şehbayî, Mewlûde Qenbûre kêfweşîyê wendekaran ê seba na serre û zehmetîyê ke serra vîyarte de dîyê ard ziwan û wina vat: "Ma dest bi akerdişê mekteban akerd. Wendekaran bi kêfweşîyêko pîl verê xo dayî mekteban. Serrê vîyarte de ma mîyanê çadiran de dersê wendekaran, la nika mektebî ameyî awankerdiş û no zî seba averşîyayîşêk o. Seba rewşa koranayî domanî zaf wendişî ra dûr kewtî, coka hewildayîşê ma estê, vvengîyêk wendekarî ciwîyayî, ma wendiş pirr bikerê. Mamoste û wendekarî pîya do warê weşîye de tedbîrê xo bigeyrî. Do wendekarî sinife de 15 kesî bi. Ma do her wext pawitişê domananê xo bikerî û tu çîyêk musayîşê dayîke rê nêbeno asteng."

 

'Ma bi agerayîşê mektebe xo zaf kêfweş ê'

 

Wendekara bi nameyê Bihar Omere zî serê akerdişê mekteban de kêfweşîyê xo ardî ziwan û vat: "Ma derbazê serra newe ya perwerde bî û no zî ma kêfweş kerd. Ma moralê xo mamosteyanê xo ra gênê. Ma wazenê her wext bi ziwanê xo biwanê."

 

'Ma vîrîye mamsote û embazanê xo kerdib'

 

Wendekara bi nameyê Hêva Eloye zî hîsê xo ardî ziwan û vat: "Dimayê demêk reyna ma agêrayî wendişê xo. Ma dersê kurdî vînenê, seba ke ziwanê xo bimusê. Seba nêweşîya koranayî, ma wendekarî zêde nêzdî yewbînan nêbenê û dûrbîyayîşê mabêne xo de pawenê. Ma vîrîye mamoste û embazanê xo kerdib."