XERPÊT - Maden de Şevket B., keyeyê merdimanê xo yê ke cîranê ey bî, gulevaran kerd û Havva Bakirdale qetil kerd.

 

Qezaya Xarpêtî ya Madenî, dewa Yenîbahçe de Şevket B., keyeyê merdimanê xo yê ke cîranê ey bî, gulevaran kerd. Netîceyê gulevaranî de Havva Bakirdale bigiranî birîndar bî. Havvaya ke tîmê weşîye aye wedarnayî nêweşxane, dinyaya xo bedilna. Gumanbar cayê hedîse ra rema.

 

Derheqê hedîse de tehqîqat dîya destpêkerdene, ame dîyarkerdene ke cigêrayîşê gumanbarî dewam keno.