Rojda Aydin 

 

ŞIRNEX - Dewa Kîwexî ya girêdayê qezaya Hezexî, şibyena Heskeyfî û rêçê serdemo verên hema estê. Dewa ke wayîrê tarîxêko kan a, keyeyê dewe seba ke bêwayîr ameyê verdayîş, rijnayîşî dir rî bi rî yê.

 

Dewa Kîwexî ya girêdayê qezaya Hezexî ya Şirnexî ke 135 km dûrê Şirnexî ya û 45 km zî dûrî Hezexîyî ya. Dewa Kîwexî, dewêka êzidîyan a û wayîrê tarîxêko kan a.

 

Keyeyê dewa Kîwexî şibyenê sey Heskeyfî û rêçê serdemo verên estê. Keyeyê na dewe, pêro bi kerrayan ameyê viraştene. Êzdîyê ke tarîx de xeylê rey rastê qirkerdişî ameyê, serê herra Kurdistanî de zî bi serran o ciwîyayê û heta serrê 90an reng dahê na herre. Êzidîyê dewa Kîwexî, serrê 90an de seba teda û zulmê dewlete mecbur mendê ke dewa xo terk bikerê û verê xo dayê Ewropa. 

 

Labelê Êzidî, her serre eynî wextî de verê xa danê welatê xo û yenê serdayîşê dewa xo. Hetêk bîn ra zî Êzidî, Êzidîyê ke dinyaya xo bedilnenê, anê na dewe de defin kenê. Sewbîna Êzidî her serre wexto ke yenê serdayîşê dewe nezire danê. 

 

Bi taybetî zî goristanê Êzidîyan xeylê bala merdimî ancenê. Serê gorê Êzidîyan de Melekê Tawûs û roj estê û bi kerreyan ameyê viraştiş. Êzidî, emsar seba nêweşîya vîrusê koronayî nêeşkenê bêrê dewa xo.

 

Dewa Kîwexî de nika tu kes çin o, veng a û bêwayîr a. Dimayê ke Êzidî mecbûr mendî dewa xo terk bikerê, qorîcîyê dewa Daskanî serrê 90 de nameyê dewe vurnayî û kerdî, "Dewa Îslam". Dimayê ke serê nêrazîbîyayîşî vurnayîşê nameyê dewe de dewa ame akerdene, reyna nameyê dewe bî, "Dewa Kîwex." Nika dekewtişê dewe de qorîcî ameyê bicakerdene.

 

Dewa Kîwexî, nameyê xo şikeftê dewe ra gêna. Dewijî bi xoza û keyeyê ke wayîrê serdemê vernîyê de ameyê awankerdene bale ancena. Labelê keyeyê Êzidiyan seba ke baş nêewnayî ci ra pêro rijnayîşî dir rî bi rî mendê.

 

Sewbîna xeylê kes hem teber ra û hem zere ra yenê serdayîşê dewa Kîwex.