WAN - Bi nêzdîbîyayîşê zimistanî dir, Westanê Wanî de cinî bi hawayêko komunal salçe û konserweyan viraznenê.

 

Her serre bi nêzdîbîyayîşê zimistanî dir seke adetêk sebze û fêkîyê wişk, salçe, tirşî û xidayê bîn yenê amadekerdene. Nê berardişî vera berardişê fabrîkasyonî yenê tercîhkerdene û hetê cinîyan ra bi hawayêko komunal yenê amadekerdene. Cinîyê dewa Vurganîsî ya Westanê Wanî ke hawayêk komunal ciwîyenê, amadekarîyê xo yê seba zimistanî qalî kerdî.

 

Xanim Gomula 67 serrî ke seba krîzê ekonomî koçê Stenbolî kerda, la seba amadekarîya zimistanî yena dewa Vurganîsî wina vat: “Ma her serre nê mewsîmî de firingîyan kenê awa germine û tole kenê. Ma menemen, salçe û tirşî viraznenê. Ez seba amadekarîyê zimistanî yena dewa xo. Ez bi destê xo amade kena. Seba ke ma zimistan rehet derbaz bikerî, ma kede danê. Hem hetê ekonomî de baş o û hem zî ma bi destê xo viraznenê. Ma zanê ke xidayî baş ê. Ma goreyê xo viraznenê. Seba keyeyêk 5 kesî ma 30 kavanoz menemen seba 10 kesî 60 kavanoz viraznenê. Ma zimistanî bi hawayêk rehetî bidê serê sifreyanê xo."

 

'Ma teber ra çîyêk nêgînê' 

 

Zeynep Gomule zî dîyar kerd ke seranserê zimistanî berardişê ke bi destê xo amade kerdê wenê û vat: "Ma xeylê sebze û fêkî ramnenê. Ma menga Êlule de zî tirşî viraznenê. Ma teber ra çîyêk nêgînê. Pêro destê cinîyan ra yenê viraştene."