WAN - OHD, TUHAY-DER û Baroyê Wanî derheqê Zîndanê Patnosî de raporêk amade kerd. Rapor de ame parekerdene ke heqê weşîye yê tepişteyan yeno binpaykerdene.

 

Komeleya Huqûqnasan a Seba Azadîye (OHD) ya Wanî, Komeleya Hetkarî û Paştdayîşê Keyeyanê Tepişteyan (TUHAY-DER) û Komîsyonê Zîndanî yê Baroyê Wanî derheqê binpaykerdişanê heqanê merdiman ê Zîndanê Patnosî ser o raporêk amade kerd.

 

Rapor de ame vatene ke zîndan de  tedbîrê vera Korona qîm nêkenê û heqê weşîye yê tepişteyan ameyî kêmkerdene, tepişteyî bi sîstematîkî nênê dermankerdene û selahîyetdarê zîndanî derheqê waqayan de bi hawayêkê kifşî tênêgêrenî.

 

Rapor de ame parekerdene ke tepişteyî nêeşkenê  heqê xo yê weşîye bişuxulnê, cuya înan binê rîskî de yê û malzemeyê pakîye bi vayî roşîyenê. Goreyê raporî zîndan de tedbîrê mesafe nênê girewtene, meseleya awa pake û werdî estê. Komeleyan da zanayene ke ganbî cade zîndan de tedbîrî bêrê girewtene. Tepişteyê nêweş û kokimî zî ganî cade bêrê veradayene.