ŞIRNEX - Şewatê daristanê Koyê Cudî 3 roje 7 wareyê cîya cîya de dest pêkerd dewam keno. Seba ke leşkerî, herême de kesê ke wazenê şewat bitefnê asteng kenê, heta nika xeylê rez, baxçe bî welî.

 

Şewatê Cûdîyî roja dişemeyî ra vejîyayo. Roniştoxanê herême vat ke qereqolê leşkerî yê Qursekêça ra 3 guleyî erzîyayî û dima Newa Qêrê de şewat vejîya.

 

Hewt cayanê Cûdîyî de cara şewat esto û pêro şaristanî ra şewat aseno. Newa Qêra ra berî Gundikê Remo, Gundikê Spîndarûkê, Gilindor, Ciganê, herêma Newa Qêra û deweka Bênavya ya Gundikê Melê de zî şewat esto.

 

Ame neqlkerdene ke 7 herêmê Koyê Cûdî de şewato ke vejîyayo rê tu mudaxele nîno kerdene û kesê ke wazenê mudaxele bikerê zî hetê leşkeran ra yenê astengkerdene.