STENBOL- Operasyonê destbendkerdişî yê vera ESPyî beno pîlêr. Hemvervatoxê HDKyî Sedar Şenoglu zî tede 12 kesî ameyî destbendkerdene.

 

Vera Partîya Sosyalîstanê Bindeste (ESP) Antalya, Îzmîr, Hatay û xeylêk şaristananê bînan de bi hawayêkê hemwextî operasyonê sîyasî ameyî kerdene. Heta nika 14 kesî ameyî destbendkerdene.

 

Sereştişan de Hemvervatoxê Kongreya Demokratîke ya Şaran (HDK) Sedat Şenoglu, endamê Meclîsê ESPyî Çîçeke Otlu, Mustafa Nacî Toper, Volkan uyar, Selver Orman û Îlke Başak Baydar, endamê partîye Yucel Karadag, Ozan Ozgenler, Ozancan Sari û Îlhan Aslan, Alper Kaba, Ezgî Bedel, Zekeriya Aykut Karnap, Gozde Sîvaslioglu ameyî destbendkerdene.

 

Ozgur Barçin û Bedran Çogaltan seba ke keye de nêbîyî nêameyî destbendkerdene. Polîsan eşt keyeyêk ser o ke tede endamê Buroyê Huqûqî yê Bindestan estbî, la keye de çew çin bi. Çarçewa operasyonî de 12 kesî ameyî destbendkerdene.

 

Destbenkerdeyan berdî Mudirîya Asayîşî ya Stenbolî û destûr nêno dayene ke avûkatanê xo bivînê.