Şehrîban Aslan

 

AMED - Safîye Çobana ke 5 serrî verê makîneyê awa firingîyan ard Amed, dîyar kerd ke cinî karêko zehmet xilas kerdê. Safîye wina vat: "Cinîyê ke dimayê karê pehnkerdişî, dejê milî antêne. Seba karê cinîyan asan bikerî, mi zî makîne ard."

 

Herême de amadekarîyê zimistanî dewam kenê û Amed de zî bazar û kuçeyan de no tevger dewam keno. Her hamnan bazar de balîcan, îsot, firingî yenê girewtene. Cinî konserveyan viraznenê, pewjnenê û wişk kenê. Yew nê amadekarîyan ra tewr zêde yenê kerdene ra awa firingîyan a.

 

Safiye Çobane taxa Huzurevlerî ya Peyasê Amedî de ciwîyena û her serre peynîya menga hamnanî de dest bi viraştişê awa firingîyan kena. Safîye 5 serrî verê makîna awa firingîyan ard Amed û karê cinîyan asan kerd.

 

'Mi waşt karê înan asan bikerî' 

 

Safîye dîyar kerd ke 5 serrî verê bi mêrde û waya xo dir dest bi viraştişê awa firingîyan kerd û vat: “Cinîyan firingîyê xo werdê kerdêne û dima ra mecbûr mendêne zî safik ra derbaz bikerê. No zî seba cinîyan bîne problem. Xeylê cinî, dimayê sefênayîşê awa firingîyan, dejê milî antêne. Mi zî waşt karê cinîyan asan bikerî û mi zî no makîne ard. Vernê de ê mi ten aseba xo viraşt. Cinîyan nê dî û bala înan ant. Dima ra firingî û îsotê xo ardî. Ma zî înan rê viraşt."

 

'Mi zî zehmetî antêne'

 

Safîye dîyar kerd ke hema hema her qeza û dewê Amedî ra cinî yenê û vat: "Mi karê cinîyan tay bo zî asan kerd. No mi kêfweş keno. Mi zî verê ê xo bi destan viraştêne. Mi zehmetî antêne. Mi no makîne ard û cinî zaf kêfweş bî. Ez karê xo ra zaf hes kena. Wa tena cinî biwazê, eşkenê her karî bikerê. Mi bawer kerd û dest pêkerd. Cinîyê bîn zî eşkenê bikerê."