Hîkmet Tunç

 

WAN - Tuşba de Ayşe Mînaza ke wezîfeyê ci endamîya meclîsê Şaredarîya Tuşbayî ame kerdene, wina vat: “Roj bêro do dem bivuryo, do ê şêrê. Wayîrê na şaredarî şarê Tuşbayî yo."

 

Weçînayîşê 31ê Adara 2019 de HDPyî Ayşe Mînak û Yilmaz Berkî sera 52,93 rayî girewtî û hemşaredarî Tuşbayî ameyî weçînayî. La YSKyî mazbatayê Yilmaz Berkî bi sebebê bi KHKyî wezîfeyê xo yê xebatkarê weşîye ra îxrac bibi, nêdayî. Serê nê de mazbata dayî namzedê AKPyî Salîh Akmanî ke sera 39,97 rayî girewtib.

 

Ayşe Mînaze zî seke endama meclîsê şaredarî wezîfeyê kerdêne û menga sibate de sereştişê keyeyan de ameye tepiştene. Ayşe dimayê tehqîqatê bi şertê kontrolê edlî serbest ameye veradayene û 2ê Temmuze de hetê wezaretê karê zerrî ra bi  sûndarîyê endamîya rêxistine ame fistine. 6ê Tebaxe de teslîmê wezîfeyê ame kerdene. Ayşe nê prosesî ajansê ma dir ercna.

 

Ayşe vat, tena aye ney, aye dir pîya wezîfeyê di endamê bîn yê meclîsê HDPyî ardê û wina vat: "Semedo ke xeylê xo endamê meclîsê partîya ma bî, tu qerar bê tesdîqkerdişê ma nêbîne. Sebebo diyîn zî Salîh Akman û endamê meclîsî yê AKPyî vatêne îrade ê ma yo. La ma destûr nêda ke nê amancê xo bi ca bîyarê. Her rey vatêne, 'şima cayêke meclîsî de nîyê, şima îradeyê şarî esas nêgînê.' Ma reaksîyon vera nê ramojnayîne."

 

 'Seba ke ez cinî bîya hedef ameya girewtene'

 

Ayşe dewam de wina vat: "Seke şaredarî qeza de tu xizmet nêkerdib. Bi tu problemê şarî dir eleqedar nêbîbî. Derheqê qeza de zanayîş nêdayîne şarî. Ma sey HDPyijî ameyî weçînayene û ma îtîraz kerd. Semedo ke ma tayînkerdişê qeyûman zî qebûl nêkerdêne, ma hedef ameyî girewtene. Sewbîna seba ke ez cinî bîya hedef ameya girewtene. Hemverê cinîyan de hêrsêke înan esto."

 

'Seba ke ez HDPyij a yena îlegalîzekerdene’

 

Ayşe dîyar kerd ke seba ke HDPyija hedef yena girewtene û vat: "Verê namzedî, cezaya min a trafîkî zî çinbi. Nika derheqê mi de xeylê dewa ameyê akerdene. Wazenê terorîze, îlegalîze bikerê. Wezîfeyê mi teslîmê mi kerdî. Ez o cayê ke meno ra dewam bikerî. Wayîrê na şaredarî şar o. Wezîfeyê xo ca bîyarê."