ENQERE - Hemsereka Pêroyî ya Egîtîm Senî Feray Aytekîn Aydogane dîyar kerd ke MEB ganî bi vatişê, ‘tedbîran bigîrê’ sînor nêmaneno û berpirsîyarê ke çîyê lazimî bi ca bîyatê û semedê mîlyonêk mamoste tedbîr nêameyo girewtene, prosesê perwerdeyî dûrî de zî sera 94ê wendekatî feyde nêgirewtê.

 

Nê rojan de vîrusê korona her ke şono zêdeyêr beno Wezaretê Perwerdeyê Neteweyî (MEB) dîyar kerd ke 21ê êlule de mekteban abikerê û seba nê endîşeyê wendekar, keye û mamosteyan zî zêde bi. Seranserê Tirkîya de 34 mektebê newe, hedîseyê newe ameyî tespîtkerdene û nê dir hûmara mektebê ke vîrus ci de ameyo tespîtkerdiş bi 80. Hemsereka Pêroyî ya Egîtîm senî Feray Aytekîn Aydogane tesîrê nê prosesî serê wendekar û helwestê MEBî şîrove kerd.

 

‘Hetê îmkanê kêmî de mexdurîyetê cidî yenê ciwîyene’ 

 

Feraye dîyar kerd ke prosesê vîrusî de bêtêduştî yê perwedeyî xeylê giran bîyê û vat: “Roj bi roje wendekarî perwerde ra dûr kewtê. Wendekarê karkerê mewsîmî, wendekarî hewcedarîyê înan bi perwerdeyê taybet esto, keyeyê feqîran, domanê ke ziwanê dayîke înan Tirkî nîyo û domanê multecî nê prosesî de problemê cidî ciwîyenê. Ma sey Egîtîm Senî dîyar kenê ke ganî seba pewerdeyo rî bi rî bêro destpêkerdene tedbîrê lazim bêrê girewtene, mamoste û xebatkarê zêde bêrê tayînkerdene.”

 

‘Ganî asayîşê mîlyonêke mamosteyan bêro girewtene’

 

Feraye dewam de wina vat: “24ê Tebaxe de verê xebatê meslegî ke ameyî destpêkerdene perwerdeyê dûr ra mumkin bi û MEBî bi israr veng da mamosteyan. Ganî semedê mîlyonêk mamosteyan tedbîr bêro girewtene. MEB hewl dano ke bi hûmaran hîkayeyê serkewtişî awan bikero. La goreyê cigêrayîşê ma wendekaran perwerdeyê durî ra feyde nêgirewtê. Semedê perwerdeyê dûr ra zî ganî dewlete hewcedarîyê sey kompîtur, tablet û televîzyon bi hawayêko lezgîn çareser bikerê.”

 

‘MEB ganî zanayîşêk zelal pare bikero’

 

Feraye tewr peyîn wina vat: “Semedo ke mekteban de perwerde dewam bikero, ganî butçeyêk bêro visnayene. Seba nê zî tayînkerdişê mamosteyan de ganî game bêro eştene. Ganî her mektebe de goreyê hewcedarî hacetê pakitî bibê, wezîfedarê weşîye bibo. Ganî pêro mektebê amadekarîyê revîrî bêrê temamkerdene. Ganî MEB metofê zanistî esas bigîro û bi mamoste û keyeyan dir zanayîşan bi hawayêk zelal pare bikero.”