MÊRDÎN - Cinîyan dîyar kerd ke tecrîdê serê Rayberê PKKyî Abdullah Ocalanî de kaoso ke Tirkîya de yo kûr keno û vat: “Dewlete zana ke no şer û na gonî senî vindero. Heme dinya zana. La seba ke vera aştî şer tecrîh kenê, nika bêveng manenê.”

 

Avûkatê Rayberê PKKyî Abdullah Ocalano ke zîndanê Tîpê F yê Asayîşê Berzî yê Îmralî de yeno tepiştene, tewr peyîn 7ê Tebaxa 2019 de pêvînayîş kerdî. Tewr peyîn 20ê Adare de seba vîrûsê korona pêvînayîşî ameyî kerdene û muracatî seba pêvînayîşî, bi sebebê 6 mengî cezaya dîsîplînî ame redkerdene. Rojê vîyarte de waştişê pêvînayîşê avûkatan 100in ame kerdene. Cinîyê Mêrdînijî reaksîyon vera tecrîdî dayî û dîyar kerdî ke ganî tecrîd peynî bo.

 

‘Dewlete adresê çareserî zana’

 

Halîme Dayane dîyar kerd ke tena Tirkîya de ney, her cayê dinya de reaksîyon vera tecrîdî yeno ramojnayîş û her het ra wayîrê Abdullah Ocalanî yeno vejîyayîş û wina vat: “Hende gonî rêjina, merdimî mirenê la dewlete game nêerzena. Bi hezaran merdimî kiştî û cayê înan ra kerdî. Başîya merdiman nêfikrîyenê. Ma wazenê ke no şer û kaos peynî bo. Yewin çareserî zî Îmralî yo. Dewlete nê baş zana.”

 

‘Tecrîd her wareyê ciwîyayîşî de esto’

 

Aysel Yure zî vatişê sey, "Gelo dinya kam ci rayber hende zîndan de mendo” vat û wina dewam kerde: “Ma do heta peynî hemverê tecrîdî mucadele bikerê. Yewin sebebê nê krîzan tecrîd o. Tena Îmralî ney pêro dinya yena tecrîdkerdene. Ma nê her ca de vînenê. Ewro nêverdenê ma vejîyê kuçeyan û eşkerayî zî bidê. Semedo ke vengê şarî bifetisênê her çî kenê. Ez sey kurdêke bi serran o mucadele kena. Ez o wina zî dewam bikera.”

 

Nahîde Ulgere zî wina vat: “Dewlete baş zana ke no şer û gonî do senîn vindero. Heme dinya zana. La vera aştîye şer tercîh kenê. Şarê Kurdî bêveng nêmaneno û hemverê nê do bêveng nêmanê. Ma do heta peynî raştîyan biqîrê.”