QAMIŞLO - Heyetê Weşîye yê Vakur û Rojhelatê Sûrîye da zanayene ke 19 kesî bîn zî vîrus kewtê. Bi pêroyî de 527 kesî bi vîrus kewtê.

 

Hemserekê Heyetê Weşîye yê Vakur û Rojhelatê Sûrîye, Ciwan Mistefa neql kerd ke ewro 19 kesê bîn Herêmê vakur û Rojhelatê Sûrîye bi vîrusê koronayî kewtê, nînan ra kesêk dinayaya xo bedilna û kesêk/e zî baş bîyo/a. Kesa ke dinyaya xo bedilnaya cinîyêke ya û emrê ci zî 52 serrî ya û Amûde ra ya.  

 

Kesê ke bi vîrus kewtê wina yê: 6 kesî Qamişlo, 6 Hesekî, 4 Dêrik, 2 kesî Dirbêsi û kesêk/e Tilkoçerî yo/a. Hûmara kesê ke heta nika nê vîrûsî kewtê resaya 527 û nînan ra 34 kesan dinyaya xo bedilnaya û 88 kesî zî rewşa înan baş bîya.