Lîlav Elî 

 

ŞEHBA - Cinîyê Efrînijî hêriş û kerdişê dewleta tirkî hemverê cinîyan şermezar kerfî û wina vatî: "Ma qetî hêriş û kerdişê dewleta tirkî yê hemverê cinîyan qebûl nêkenê û ma do her wext hemverê hêrişan têkoşînê xo pîl bikerê.”

 

Dewleta tirkî bi metodê cîya hêrişê cinîyan kena. Tewr peyîn şaristanê Êlihî de Îpek Era ke hetê Çawuşê Pispor Musa Orhanî ra bi tecewuzî dir rî bi rî mendebî û nêweşxane de merde. Sewbînî kerdiş û xidarîyê dewleta tirkî, vakurê Kurdistanî de dewam kenê. Şaristanê Efrînî ke binê îşxalkerdişî ci de yo bêhuqûqî dewam kenê. Derheqê babete de cinîyê Efrînijî reaksîyonê xo ardî ziwan.

 

‘Dewleta tirkî nêeşkena îradeyê cinîyan bişikna’

 

Endama Koordînasyonê Kongreya Starî dewa Tilqirahî ya qezaya Ehdesî ya Kantonê Şehbayî, Emel Mihemede kerdişê dewleta tirkî şermezar kerde û vat: "Dewleta tirkî bêmabên hûrişê cinîyê kurdan kena. Ma nê hêrişan bi şîdet şermezar kena û vanê, dewleta tirkî nêeşkena bi kerdişê bêmerdimayî îradeyê cinîyan bişikno. Pêameyîşê Stenbolî hetê dewleta tirkî ra amebî tesdîqkerdene, la no vatiş de mend. Vakurê Kurdistanî her roje kerdişê dewleta tirkî bi destê leşkeran ra bi ca yenê. Herêma Efrînî zî her roje cinî, hetê hêzê dewleta tirkî û komê girêdayî ci ra tecawiz, qetişkerdiş û remnayîşî dir rî bi rî manenê. Herêma Efrînî û heme herêmê ke ameyê îşxalkerdene, dewleta tirkî xidarîyê xo dewam kena. Vera nê kerdişan pêro dinya bêveng a. La ma do hemverê dişminê cinîyan de mucadeleyê xo berz bikerê. Vengdayîşê ma seba pêro cinîyan ke vera nê vengê xo berz bikerê û ma pîya mucadele bikerê.”

 

‘Ma do vera hêrişan têkoşînê xo girs bikerê’

 

Cinîya bi nameyê Fatma Şemo zî kerdişê dewleta tirkî şermezar kerd û wina vat: "Dewleta tirkî serê vatişan de pêameyîşan îmza kena la bi ca nêana. Dewleta tirkî û hemkarê ci her roje herêma Efrînî û cayê ke ameyê îşxalkerdene hêrişê cinîyan kena û wazena ke bi hêrişan îradeyê înan bişikno. Bi şorişê Rojawanê Kurdistanî dir cinîyan zaf serkewtiş bi dest kerd, la dewleta tirkî seba ke nê serkewtişî îhlal bikera her het ra hêriş kena. Ma qetî hêrişan qebûl nêkenê û ma do her wext vera hêrişan têkoşînê xo girs bikerê.”