'Yekane çavkaniya me ya debarê pereyê penîr û şîr e'

 

 

Şehrîban Abî

 

COLEMÊRG - Berîvanê ke taxa Aşûtî ke bi reng û çimeyê awa xo hizûrêko pîl dano, ameyî têhet û wina vatî: “Tîya pêwa pêro zor û zehmetîyan ma bi sohbet û yarîyanê xo weş derbaz kenê.” La Bêrîvanî pêwa karê zor û zehmetîyan wayîrê qezencêke baş nîyê.

 

Berîvanê ke qezaya Çelê ra ameyê taxa Aşûtî û pes û bizinê xo antî, cuyêka komunal dewam kenê. Her roje saete 10.00 de yenê têhet û vernê de bi xidayê ke keye ra anê, arayî kenê. Dima ra heta tarîyê şewe karê xo dewam kenê.

 

‘Her keyeyêk tewr zêde 10 heywanê înan estê’

 

Cinîya bi nameyê Zelîha Ebîşe dîyar kerd ke dimayê pesê xo ancenê, bi şitê înan mast û penîr viraznenê û vat: “Pesdewarî sey verê nîyo. Yewin debara xo ma bi pesdewarî kenê. La nika her keyeyêk de tewr zêde 10 heywanê înan estê. Verê her keyeyêk tewr tay wayîrê 50 pesî bi.”

 

‘Ma bi zor debara xo kenê’ 

 

Zelîha dîyar kerd ke pêwa yewin çimeyê înan pesdewarî yo zî labelê hetê ekonomî de zehmwtîtan ancenê û wina vat: ”Her roja bêrîvanîyê ma seba ma sey seyranî derbaz beno. Ma cinî tîya bi sohbet û yarîyan heta şan de manenê. Cuya ma wina derbaz bena. Qezencêk ma bîn çin o. Ma bi pereyê şît û mast debara xo kenê. Vera nê de asayîşê ma yê karî çin o. Ma bi zor debara xo kenê.”

 

Melîha Ebîşe zî dîyar kerd ke pêwa zehmet o zî bêrîvanî ra hez kenê û vat: “Tena ma roj, ko û çeman vînenê. Ma şinê keye zî karê keyeyî kenê. Cuya ma zehmet a la ma hes kenê.”