WAN - Hemsereka MEBYA DERî Gulistan Onvere dîyar ke destûr nîno dayene cenazeyê PKKyijan camîyan de yan zî nêweşxaneyan de bêrê şutene û vat: “Bi polîtîkayê teda û tersî hewl danê ke merdiman ercê înan ra dûr bifînê. Bê rêzdarîyê hemverê cenazeyan nîno qebûlkerdene.”

 

Wan, Amed, Mêrdîn, Bedîs, Colemêrg, Muş û Şirnex de gorê PKKyijan yenê texrîbkerdene. Sewbîna keyeyî prosesê girewtişê cenaze û definkerdişî de rastê xeylê tedayan yenê. Keyeyê ke merdimê xo vindî kerdê muracatê Komeleya Paştdayîşî û Hetkarê Keyeyê ke Merdimê Xo Derguşa Şaristanîyan Vindî Kerdê (MEBYA-DER) kerdê. Hemsereka MEBYA-DERî Gulîsan Onvere îhlalkerdişan qalî kerd.

 

‘Wecîbeyê dînî bi ca nêanê’

 

Gulîstane dîyar kerd ke muracatê 6 mengî yo keyeyan rê yenê xebatan kenê û vat, ware de rastê tedayê hêzê asayîşî yenê û wina vat: “Hewteyo vîyarte de keyeyê Murat Şîpalî seba cenazeya xo bigîrê, muracatê ma kerdî. Ma sey MEBYA-DERî serê muracatê keyeyî şî nêweşxane û dima ra şî goristan. Polîsan, uca de zî xêrcê keyeyî destûr nêdayî ke tu kes bikewo goristan. Tehemûlê lorînê dayîke nêkerdî û vatî, ‘meqîre.’ Nêverdayî ke keye nêweşxane de û camî de wecîbeyê xo yê dînî bi ca bîyarê.”

 

‘Caardişê bêhuqûqî yê’

 

Gulîstane dîyar kerd ke caardişî bêhuqûqî yê û wina vat: “Nêverdayî ke dayîkêke serê gorê lajê xo de lorînan bi lorîn o. No caardişêko bêhuqûqî yo. Wijdanê înan çin o. Merdeyan sey xetere vînenê ke hema zî zulm kenê, îşkence kenê.”

 

Gulîstane tewr peyîn vat ke nê caardişî serrê 90yan derbaz kerdo û vat: “Sey nimûneyê Garzanê Bedlîsî, cenazeyê 300 kesî bi sebebê DNA berdî Stenbolî û uca de zî peyarayîr de defin kerdî. Gorê komî êdî bi hawayêko eşkera yenê kerdene. Bi polîtîkayê teda û tersî wazenê ke şar wayîrê ercê xo nêvehîyê. Ma amadetê ke pêro berpirsyarîyê xo bi ca bîyarî. Kam beno wa bibo, wa nê bêrêzdarîyan qebul nêkero.”