WAN - Heyetê KCD û DBPyî Wan de zîyaretanê xo rê dewam keno. Hemsereka Pêroyî ya DBPyî Salîha Aydenîz îfade kerd ke hemverê sîstemê faşîzmî çalakîyê mê helmêke yê.

 

HDP çarçewa Bernameyê Têkoşînê Demokratîkî de Hemserekê KCDyî  Berdan Ozturk û Hemsereka DBPyî Salîha Aydenîz reyde Wan de çarçewa Bernameyê Têkoşînê Demokratîkî de zîyaretanê xo dewam kenê. Heyet temsîlkaranê rêxistinanê komelê sivîlî û partîyanê sîyasîyan reyde Otêla ûrartu de kom bi. Hemsereka DBPyî Salîha Aydenîz pare kerd ke îqtîdar wazeno bi faşîzmî payan ser o vindero.

 

‘Sebebê nê krîzan tecrîdê vera birêz Abdullah Ocalanî yo’

 

Salîha Aydenîze dîyar kerd ke kerdişê Tirkîya serê faşîzmî de xo bîyaye kena û vat: “Ma Kurdîstan û Tirkîya de şarî reyde yenê têkişt. Ma wazenê vera polîtîkayanê gemarinan ê şerî şarê ma bibo yew. Îradeyê şarê kurdî binê teda de yo. Îqtidar vera pêro destkewteyanê kurdan hêriş keno. Tecrîdê vera Birêz Abdullah Ocalanî vera pêro şaran yeno kerdene. Merdim nêeşkeno bi hawayêkê azadî fikrê xo vajo. Faşîzm û kapîtalîzm verê çareserîyan gênê. Sebebê nê krîzan tecrîdê vera birêz Abdullah Ocalanî yo.”