AMED - Mercan Fîndana ke Bazarê Taxa Jiyanî de bî wayîrê kar, bi pereyê bazarî domananê xo rê ewnîyena. Mercane wina vat: “Ez hewceyê mêrde nêbena, nan bena keyeyê xo.”

 

Şaredarîya Bajarê Girdî Partîya Aştî û Demokrasî (BDP) ya Amedî 2013 de seba cinîyê ke rastê şîdetî ameyê û seba ke debara xo bikerê projeyê Bazarê Taxa Jiyanî awan kerd. Xêrê projeyî, xeylê cinî bî wayîrê îmkananê karî. Cinîyê ke bazar de xrbate kenê, her yew hîkayeya înan cîya ya. Mercan Fîdane zî înan ra yew a.

 

Mercane serê sibayî rew wirzena û vernê de şina halê sebzeyan. Sebzeyê ke uca hênê dana serê tezgahê bazarî û wexto ke sebzeyê ci qedênê reyna şina hal. Mercane dîyar kerd ke seba krîzê karê înan sey verê nêbeno û vat: “Reyan ma zirar kenê û şinê keyeyê xo.” 

 

Mercane ke hîrê domanê aye estê, yew nêweşê/a qelbî ya/o. Mercane dîyar kerd ke domanêke/o mecbûr mendo/a emelîyat bibo/a û vat: bi “Sebebê hende mucadeleyî zî domanê ma yê. Ma wazenê ke şertê tewr baş de biciwîyê.” Mercane wina dewam kerd: “Verê ez bazar de bi rojane xebityayîne. Dima ra mi tezgah girewt. Mi wina karê xo awan kerd. Seba pandemî ma zehmet ant. Reyke bîn sînorkerdiş bêro ma nêzanê ke se bikerê. Bi no hawa zî ma nêeşkenê hewcedarîyê xo bi ca bîyarê. Prosesê pandemî de ma nêzanê se bikerê.”

 

Mercane dîyar kerd ke aye her çiqad karê ke kena de zehmetîyan bianco zî mucadeleyêko dana aye kêfweş keno û wina vat: “Ez bê hewcedarîyê mêrdeyî, nan bena keyeyê xo. Veng dana pêro cinîyan. Ez wazena wa cinî serê lingan de vinderê û hewceyê kesî nêbê.