QAMIŞLO - Heyetê Weşîye yê Vakur û Rojhelatê Sûrîye da zanayene ke 27 kesê bîn zî bi vîrusê Koronayî kewtê. Goreyê dayeyê bi pêroyî hûmara kesê ke bi vîrusê koronayî kewtê resa 354 kesî.

 

Vakur û Rojhelatê Sûrîye şubeyp vîrûsê Korona (COVÎD -19)  her ke şono zêde beno. Ewro zî Hemserekê Heyetê Weşîye yê Vakur û Rojhelatê Sûrîye, Ciwan Mistefa neql kerd ke 27 kesê bîn bi vîrus kewtê û 3 kesî zî rehmet kerdê. Ciwanî dîyar kerd ke bi pêroyî hûmara kesê ke heta roja ewro Vakur û Rojhelatê Sûrîye bi vîrusê Korona kewtê resa 354 kesî. 

 

Goreyê şaristanan hûmara kesê bi vîrus kewtê wina yê: Qamişlo 12,  Hesek 4, Dêrik 2, Rîmelan 1, Tirbesipiyê 1, Dirbêsîyê 1, Amûdê 3 û Şehba zî 3 kesî bi vîrus kewtê.