AMED - Hewteyê 602 de Merdimê Vindîbîyayeyan û Şubeyê ÎHDyê Amedî bi rayîrê medyaya komelî aqûbetê vindîbîyayeyanê xo pers kerd.

 

Merdimê Vindîbîyayeyan û Komeleya Heqê Merdiman (ÎHD) ê Şubeyê Amedî hewteyê 602 de çalakîya, “Wa vindîbîyayeyî bêrê vînayene û kiştoxî bêrê muhakemekerdene” serê medyaya komelî de bi vilakerdişê vîdeoyêke organîze kerd. No hewte zî aqûbetê Îdarekarê Rêxistinê Partîya Kede ya Şarî (HEP) ê Êlihî ke 10ê temmuze 1993 de semedo ke cixara bigîro keye ra vejîya û reyke bîn zanayîş ci ra nêame girewtene, ame perskerdene.

 

Sekretera Şubeyê ÎHDyî ya Amedî Yuksel Aslan Acere eşkerayî wende û qalê vindîkerdişê Aydin Ayî kerd. Yuksele dîyar kerd ke Aydin Ayî 10ê temmuze 1993 de saete derûdorê 20.00-21.00 de keyeyê xo yê taxa 19 Mayisî de vejîyayo ke cixara bigîro û hetê 4 kesê ke cilê înan sivîl yê nasnameyê înan dîyar nêbê bi zor ameyo remnayene û a roje ra zanayîş ci ra nîno girewtene.

 

Yuksele ard ziwan ke 27 serrî pêwa heme cigêrayîşan û hewldayîşê keyeyî Aydin nêameyo vînayene û pêro muracatê huqûqî û fermî bêcewab û bênetîce mendî.