QAMIŞLO - Heyetê Weşîye yê Bakur û Rojawanê Sûrîye da zanayene ke 27 kesê bîn zî Herême de bi vîrusê Koronayî kewtê. Goreyê dayeyê bi pêroyî hûmara kesê ke bi vîrusê koronayî kewtê resa 280 kesî.

 

Hemserekê Heyetê Weşîye yê Vakur û Rojhelatê Sûrîye, Ciwan Mistefa neql kerd ke ewro 27 kesê bîn zî Herêma Cizîrî de bi vîrusê Korona kewtê û nînan ra 2 kesî rehmet kerdî. Sewbîna Ciwanî diyar kerd ke kesê ke cuya xo vindî kerdê, cinîyêka 60 serrî ya û Qamişlo ra ya û kesêk/e bîn 70 serrî Hesekê ra yo/ya.

 

Goreyê şaristanê ke dayeyê înan ameyê dayene wina yê: Qamişlo 17, Dêrik 5 û hesek de zî 5 kes ê.

 

Ciwanî eşkera kerd ke hûmare pêro nêweşan resa 280 kesî û nînan ra 17 kesî zî rehmet kerdê.