Ronîda Hacî

 

HESEKÊ - Endama Meclîsê Cinîyan ê PYDyî Emel Mîrza, Însyatîfê Kongreya Neteweyî ya Kurdistanî (KNK - Rojawan) sey rayîrê tehdîdan ra xelisnayîş bi name kerde û va ke KNK - Rojawan rayîrê ke ma tehdîdan ra xelisnayene bikero yo.

 

Endama Meclîsê Cinîyan ê Partîya Yewîya Demokratîk (PYD) Emel Mîrzaye dîyar kerde ke Kongeraya Neteweyî  ya Kurdistanî (KNK - Rojawan)  do bibo rayîrê xelisnayîşê tehdîdan û wina va: "KNK- Rojawan do bibo cewabê planê dewletê ke têmîyanîş Sûrîye de kûr kerdêne û rayîr do verê tehdîdan bigîro yo."

 

'Yewîya partîya kurdan do serkewtiş bîyaro'

 

Emle tewr peyîn qiseykerdişê xo de wina va: "Tarîx de xeylê şoriş ameyî kerdene. La nê şorişê peyîn de vindî kerdî. Sebebê vindîkerdişê ê şorişan zî seba ke yewîya xo mende nêkerdibî. La ma wazenê heme partîyê sîyasî yê kurdan bibê yew û masayêke ser o binişnê ro û dest bidê yewbînan. Yewîya kurdan do serkewtiş zî xo dir bîyaro. Na yewîye do îrade û hêzêke pîl awan bikero û bibo cewabê heme planê Vakûr û Rojhelatê Sûrîye ser o yenê meşnayîş."

 

'Destekdayîşê Înîsîyatîfê KNK-Rojawanî gamêke girîng o'

 

Emêle bale ante serê serdayîşê Komîteyê Kongreya Neteweyî ya Kurdistanî (KNK -Rojawan) ê partîyê sîyasî yê kurdan ke destek danê Însiyatîfê KNKî û va: "Destekdayîşê partîyê kurdan seba Însiyatîfê KNKyî gamêke zaf girîng û pîroz o. Ez veng dana heme Partîyanê kurdan ke piştdayîş bidê Însiyatîfê KNKî û hêvî û çarenuşteyê Şarê Kurdî verê çiman ra derbaz bikerê."