
Emel Mîrza: Yewîya partîyê kurdan do serkewtiş bîyarê 

2019-01-28 13:35:09


	&nbsp;

	Ronîda Hacî

	&nbsp;

	HESEKÊ - Endama Meclîsê Cinîyan ê PYDyî Emel Mîrza, Însyatîfê Kongreya Neteweyî ya Kurdistanî (KNK - Rojawan) sey rayîrê tehdîdan ra xelisnayîş bi name kerde û va ke KNK - Rojawan rayîrê ke ma tehdîdan ra xelisnayene bikero yo.

	&nbsp;

	Endama Meclîsê Cinîyan ê Partîya Yewîya Demokratîk (PYD) Emel Mîrzaye dîyar kerde ke Kongeraya Neteweyî &nbsp;ya Kurdistanî (KNK - Rojawan) &nbsp;do bibo rayîrê xelisnayîşê tehdîdan û wina va: "KNK- Rojawan do bibo cewabê planê dewletê ke têmîyanîş Sûrîye de kûr kerdêne û rayîr do verê tehdîdan bigîro yo."

	&nbsp;

	'Yewîya partîya kurdan do serkewtiş bîyaro'

	&nbsp;

	Emle tewr peyîn qiseykerdişê xo de wina va: "Tarîx de xeylê şoriş ameyî kerdene. La nê şorişê peyîn de vindî kerdî. Sebebê vindîkerdişê ê şorişan zî seba ke yewîya xo mende nêkerdibî. La ma wazenê heme partîyê sîyasî yê kurdan bibê yew û masayêke ser o binişnê ro û dest bidê yewbînan. Yewîya kurdan do serkewtiş zî xo dir bîyaro. Na yewîye do îrade û hêzêke pîl awan bikero û bibo cewabê heme planê Vakûr û Rojhelatê Sûrîye ser o yenê meşnayîş."

	&nbsp;

	'Destekdayîşê Înîsîyatîfê KNK-Rojawanî gamêke girîng o'

	&nbsp;

	Emêle bale ante serê serdayîşê Komîteyê Kongreya Neteweyî ya Kurdistanî (KNK -Rojawan) ê partîyê sîyasî yê kurdan ke destek danê Însiyatîfê KNKî û va: "Destekdayîşê partîyê kurdan seba Însiyatîfê KNKyî gamêke zaf girîng û pîroz o. Ez veng dana heme Partîyanê kurdan ke piştdayîş bidê Însiyatîfê KNKî û hêvî û çarenuşteyê Şarê Kurdî verê çiman ra derbaz bikerê."

	&nbsp;

	&nbsp;