MERKEZÊ XEBERAN - Çalakîya grevê vêşanî ya Hemsereka Kongreya Komelê Demokratîk (KCD) û Parlamentera HDPî ya Colemêrgî Leyla Guvene di aşmî pey xo de verda û kewt roja xo ya 68ine.

 

Çalakîya grevê vêşanî ya Kongreya Komelê Demokratîk (KCD) û Parlamentera HDPî ya Colemêrgî Leyla Guvene ke seba tecrîdê serê Abdullah Ocalanî peynî bibo dest pêkerdebî, di aşmî pey xo de verda û kewte roja xo ya 68an. Weşîya Leylaye her ke şina xirab bena.

 

Seba weşîye 4ê Çele heta nika Leylaye nêeşkena bi avûkatanê xo dir pêvînayîş bikera. Leylaye seba problemê weşîye nêeşkabî şêro tezîyeya maya xo Cevriye Guvene zî.

 

Waştişê Leyla Guvene çi yo?

 

Leylaye ana ziwan ke tecrîdo giran ê serê Abdullah Ocalanî peynî bibo aye do çalakîya grevê vêşanî dewam bikera. Leylaye vana: "Ewro xeylê lazimî bi Abdullah Ocalanî dir esta. Mesajê ke o bido zaf girîng ê. Ganî bieşko pêvînayîş bi keye û avûkatanê xo dir  bikero."