MÊRDÎN - Seba hepsîya Meles Tekîne hetê STEyî ra raporê 'eşkena hepisxane de bimana' ame dayîş û ame zanayîş ke Melese zerdawe xo ra emelîyat biba waştê ke hepisxane de bêra emelîyatkerdiş la  Melese qebûl nêkerda.

 

Meles Tekîna 73 serrî Mêrdîn de bi sebebê 4 serrî û 2 aşmî cezaya aye esta, nîsana 2017 de amî tepiştiş û eşrawitî hepisxane. Melese hepisxaneyê  Mêrdîn ra eşrawitî hepisxaneyê Xerpêtî. Melese uca de seba problemê weşîye her wext vetî revîr û dima ra zî seba raporê Sazgehê Tipê Edlî eşrawitî Edene. Bi qerarê doktorê revîrî Melese dermankerdişê diyalîzî qawîşe de dî û raporê STEyî seba nê zî 5 aşmî dima vejîya.

 

Raporê teşrîna verêne 2018an de ame amadekerdiş de ame vatiş ke Melese eşkena hepisxane de bimana. Raporo ame amadekerdiş de waştişê avûkatan ê veradayîşê bi şertê kontrolê edlî û hepsê keyeyî ame redkerdene.

 

Xeylê nêweşîyê aye estê

 

Melese ke emrê aye aver şîyo, xeylê problemê weşîye cuyena û tewr peyîn bi waştişê doktorê revîr dir qerar ame dayîş ke ganî dermankerdişê diyalîzî bivîna. Melese bi hetkarîya embazanê xo lazimîyê xo ana ca û heto bîn ra qelb, sîne, tansîyon û şekir ra nêrehet a.

 

Nika zî ame zanayîş ke doktorê revîrî vato ganî Melese zerdawe xo ra emelîyat biba û ame zanayîş ke vatê ganî hepisxane de emelîyat biba û aye zî qebul nêkerdo.