ŞEHBA - Cinîya bi nameyê Esmehan Seydo seba domananê Efrînî ke ameyê koçkerdiş nêcemidê kincan derznena. Esmehane va: "No zimistanêke xidar o. Domanî zaf cemidênê. Seba ke nêcemidîyê, ez înan rê cilan derznena."

 

Dimayê dewleta tirk û komê girêdayê ci hêrişê Efrînî kerdî dima şarê Efrînî Şehba de bi ca bî. Şarê Efrînî ê Şehbayî bi ca bî pêwa îmkanê kêman têkoşînê cu danê. Cinîya bi nameyê Esmehan Seydo ya 30 serrî û qezaya Şîşeya Şehbayî de cuyena, seba domanê Efrînijî ke ameyê koçkerdiş nêcemidîyê cilan derznena. Esmahane arde ziwan ke yê ke tewr zêde zehmetî ancenê doman ê û va coka tewr zêde wazena ke hetkarîya domanan bikera."

 

'Seba ke ez hetkarîya domanan kena ez kêfweş a'

 

Esmehane wina va: "Ez 15 serrî ya xo de deştiş musaya. Verê ke dewleta tirk û çeteyê xo hêrişê ma bikerê kargehê min ê deştişî Efrîn de estbî. Uca de bi hewayêke hizur mi karê xo kerdêne. Nika vera xidarîyê cu, ma xo ver danê. Ez seba domanan cilan derznena. Ez zaf kêfweş a ke ez bi no hewa hetkarîya domananê xo kena."

 

'Wexto ke domanî kêfweş benê ez zî kêfweş bena'

 

Esmehane qiseykerdişê xo wina qedêna: "Wexto ke ez cilan domanan rê derznena û ez kêfweşîya zereyê çimanê înan de vînena, ez kêfweş bena. No zimistanêke xidar o. Domanî zaf cemidênê. Seba ke nêcemidîyê, ez înan rê cilan derznena û wexto ke ez bena şahidê kêfweşîya înan zî ez zî zaf kêfweş bena."