AMED - Çalakîya grevê vêşanî ê bêdem û bêagerayîş ê  parlamentera HDPî ya Colemêrgî û hemsereka KCDî Leyla Guvene heme hepisxaneyan de vila beno û bi hemkarîya xeylê sazgehan 7ê Çele de bi amancê taqîbkerdişê averşîyayîşê Platformê Taqîbkerdişê Grevê Vêşanî awan kerd û dest bi xebate kerd.

 

Bi hemkarîya Komîsyonê Hepisxaneyan ê Baroyê Amedî, Komîsyonê hepisxaneyê ÎHDyî ê Amedî, Komeleya Huqûqnasê Azad (OHD), Odeyê Tabîbê Tirk û Weqfê Heqê Merdiman ê Tirkîya (TIHV) rojê vîyarte de Platformê Taqîbkerdişê Grevê Vêşanî ame destpêkerdiş. Avûkat Gulan Çagin Kalelî ke platform de ca gêna muhteweya platformî qalî kerde.

 

Gulane dîyar kerde ke sebebê heme sazgehî pîya têbigeyrê do kar asan û tewr baş bibo no kewt cuyayîş û wina va: "Xebata pîya zaf girîng a. Piştdayîş zaf girîng bi. Hem hetê huqûqî, hem hetê tibî, hem zî ê sîyasî prosesê grevan esto. Ma 7ê Çele de Amed de platfrom awan kerd. Prosesê grevê bi Leyla Guvene dir dest pêkerd. Dima ra heme hepisxanen de vila bi. Ma avûkatî eşkenê taqîb bikerê. Ma pêvînayîşan bi hepsîyan dir kenê. Lazimîyê înan bica anê."

 

Gulane arde ziwan ke nêzdîyê îdarekarê hepisxaneyan ê hemverê hepsîyan zî cîya benê û wina va: "Hîn hepisxaneyan de yeno vatiş ke hepsîyê ke grev de yê kerdê hucreyê yew kesî. Refakatîyê hepsîyê ke grev de yê girîng o. Seba wexto ke rewşa krîtîk de ma bi refakat dir eşkenê pêvînayîş bikerê. Eke refekat çinbo no rîsk o."

 

 'Çi destê ma ra bêro ma do bikerê'

 

Gulane bale ante serê xebatanê xo yê proseso tîya ra tepya û qiseykerdişê xo wina qedêna: "Ma sey avûkatê platformî ma do rewşa hepsîyan û prosesê hepisxaneyan taqîb bikerê. Ma do kontrolê prosesê weşîye zî taqîb bikerê. Çi destê ma ra bêro ma do bikerê."