DÊRSIM - Neşe Kilinça ke seba şertê giran Stenbol terk kerde û Pilûr de bica bî, nika kafe akerdeya û wina va: "Bajar cuya merdimî qedêneno. Projeyê ma cinîyan esto ke ma Pilûr de sera awan bikerê. Her çî baş derbaz bibo ma do bica bîyarê."

 

Problemê metropolê pîlan tesîrê serê cuya merdiman de keno û hemwelatî coka seba cuya hizur û xoza xo ver danê. Neşe Kilinça ke bi serran o  Stenbol de cuyayne dîyar kerde ke înan nêwaşto bajaran de bicuyê û 2011 ra dima ageyrayê Pilûr û va nika ê zaf kêfweşê.

 

'Piştdayîşê cinîyan serê lingan de verda'

 

Neşeye da zanayîş ke 2011an de hîn probleman cuyaya û wina va: "Lajê mi Pilûr de bi. Ez ageyraya verê ci. Mi baxçeyê çaye akerde. Destê ma de ti sermaye çinbi. Ma tîya akerd. Dima ra lajê mi zewicya û şi Elmanya. Ez tena menda. Ez bi xêrê piştdayîşê cinîyan serê lingan de menda. Xeylê piştdayîşê şarê Pilûrî virazya seba mi. Dimayê wextêke mi kafe akerd.

 

'Bajar cuya merdiman qedêneno'

 

Neşeye qiseykerdişê xo wina dewam kerde: "Hetê ekonomî de nika rewşa mi baş a. Ez Stenbol de xeylê karan de xebityaya. Tewr peyîn fîrmaya lojîstîk de xebityaya û nêweş kewta. Bajar cuya merdiman qedêneno."

 

'Projeyê ma sera esto'

 

Neşeye arde ziwan ke cinî eşkenê binê heme karî ra vejîyê û wina va: "Mi no ferq kerd ke Pilûr de cinî camêrdan ra tewr xebatker ê. Koperatîf de xebatkarê cinî estê. Verê nê de ma eşkenê hîn çîyê kolektîf bikerê. Nimûneyê projeyê ma yê awankerdişê sera esto."