DÊRSIM - Gulcan Akkaya ke Dêrsim de bazirganî kena, da zanayîş ke, bi serrêke nêeşkenê kar bikerê û wina va: "Serra 2018an reyna baş bî. Do 2019an de vindekerdiş bêro cuyayîş. Ma zaf krîzê cîya zî cuyayî. No krîz nîyo, vindîkerdiş o."

 

Bazirgan Gulcan Akkaya ke Dêrsim de bazirganî kena, dîyar kerde ke krîzê ekonomî tewr zêde tesîr kedkar û bazirganan kerdo û zor û zehmetîyanê ke cuyenê arde ziwan.

 

'Krîzo tewr giran yeno cuyayîş'

 

Gulcane ke 2011an heta nika bazirgan a, arde ziwan ke no krîzo bîyaye, tewr krîzo giran o û wina va: "Ma serê siba saete 08.00an heta 20.00ê şan de dikan akerde verdenê. 12 saetan de tene çend kes yenê. Hemwelatî nêeşkenê çîyêke bigîrê. Rotişê ma nêbenê. No zî ramojneno ke ekonomîya Tirkîya vindî kerda. Ma zaf krîz dî la no krîz nîyo, no vindîkerdiş o. Serra 2018an baş bî, la 2019an de do vindîkerdiş bêro cuyayîş. Serra verê çîyê ke ma girewtêne, ma êdî neşkenê bigîrê. Ma şinê marketan û veng yenê. Kes nêeşkeno çîyêke bigîro. Zimistanî rewşe tewr zehmet bena. Fatureyê gazê tebîî, ceyranî zêde yenê. Eynî wextî de cinî tewr zêde dejê nê ancenê."

 

'Ma serê tersî de nêşêrê çîyêke sererast nêbeno'

 

Gulcane tewr peyîn qiseykerdişê xo de va ke ê hetê ekonomî de kêfweş nîyê û wina va: "Domanê ma şinê wendegeh û yenê. Ma nêeşkenê lazimîyê înan bi ca bîyarê. Coka ma kêfweş nîyê. Bi rastî ganî cinî têhet bê. Camêrdan her ca de vera cinîyan her warî de şer dayî destpêkerdiş. Eke ma xo ver bidê ma do hîn çîyan bivurnê."