ENQERE - Enqere de operasyonanê qirkerdişê sîyasîyî de îdarekarê HDPyî û sendîkakarî zî tede 12 kesî ameyî tepiştiş. 

 

Enqere de saetanê serê sibayî de polîsan eşt xeylî keyeyan ser û îdarekarê HDPyî û sendîkakarî zî tede 12 kesî destbend kerdî. Kesê ke ameyî destbendkerdene ameyî berdene bi Mudurîya Asayîşî ya Enqere. 

 

Kesê ke ameyî destbendkerdene nameyê înan wina yê: Endamê merkezê HDPyî Alî Ozkan, îdarekarê HDPyî yê bajarî Dilbaz Temel, hemserekê HDPyî yê Yenîmahale Nurettîn Kemertaş, îdarekaranê verênan ê partî ra Sîhan Kaya, Harûn Çakmak, Ferîde Yardimci, endamê partî Eyup Emektar, hemsereka Komela Rojawanî ya ke bi KHKyî ameye qefilnayene, Banû Erdogane, serekê Tum Bel-Senî yê bajarî Devrîm Kahraman, sekretera verêne ya Tum Bel-Senî Guler Elverene, endamê Egîtîm Senî Hatîce Beydîllî û Erkan Polat.