ANTALYA - Ame zanayîş ke îdarekarê Hepisxaneyê Girewte yê Tîpê L ê Alanya de lazimîyê hepsîyê ke kewtê grevê vêşanî yê bêdem û bêdor bi ca nêanê. Eynî wextî de ame zanayîş ke 2 hepsîyê bîn zî do siba bikoyê grevê bêdem û bêdor.

 

Çalakîyê grevê vêşanî yê bêdem û bêdor yê ke hepisxaneyan de seba wedartişê tecrîdê serê Abdullah Ocalanî amebi destpêkerdiş, dewam kenê. Hepsîyê bi nameyê Nevin Gukçe û Zelal Başbogan ke Hepisxaneyê Girtî ya Tîpê L yê Alanya de tepişnayeyê siba do dest bi grevê bêdem û bêdor bikerê. Hepsîyan dîyar kerd ke ê do 5ê Çele ra dima dest bi grevê vêşanî bikerê.

 

Sole û şekir nêdanê

 

Heto bîn ra hepisxaneyo ke çalakîyên grevê vêşanî dewam keno şekir û sole nêdanê hepsî yê ke kewtê grevê vêşanî. Seba ke şîyayîşê revîrî serê hepsîyan de yeno ferzkerdiş û hepsî zî nê red kenê. kontrolê înan ê weşîye nîna kerdiş û eynî wextî de vitaminê ke ganî bigîrê nêeşkenê bigîrê.