WAN - Sînem Malale ke yew awankerdoxa Kooperatîfê Cinîyan ê Xawesor bî û dimayê ke amî padayîş dewrê KADEMî amî kerdene û Sîneme wina va: "Nika binê sîwana KADEMî de camêrdî xebatan meşnenê. Binê sazgehê akerdişî de gelo çend cinî xebatan meşnenê? Çend cinî sewîyeya îdarekarî de ca gênê? Çend cinî mekanîzmayê qerarî de ca gênê?"

 

Çarçeweya OHALî de bi KHKyê ke ameyî vetiş seba 95 şardarîyê DBPî qayûm ame tayînkerdiş û dima ra heme xebatê cinîyan hedef ameyî girewtiş. Wan de dimayê ke sazgehî ameyî padayîş, Komeleya Demokrasî û Cinîyan (KADEM) ke yew awankerdoxe zî kênaya serekkomar Tayyîp Erdogan, Sumeyye Erdoganî ya ame akerdiş. KADEMî hacetê sazgehê cinîyan ke ameyî padayîş zî xesp kerd.

 

Hacetê kompleksê cinîyan dewrê Gur KADEMî ameyî kerdene

 

Gur KADEMî yê Wanî sey şubeyê 18in ame akerdiş, Payîzava de zî sey Gur KADEM ame akerdiş û senîn ame hacetê Kooperatîfê cinîyan ê Xawesor girewt. Hacetê Kompleksê Cinîyan zî ameyî desteserkerdiş û dayî Gur KADEMî.

 

Yew awankerdoxa Koperatîfê Cinîyan ê Xawesor Sînem Malale va seba warê îstîhdamê cinîyan kooperatîfê Payîzava, awan kerdê û dimayê xebatê înan potansîyelê cinîyan vetê û wina va: "Ma Payîzawan ke qezayêke feodal bi seba cinîyan îmkanê kar vetî meydan. Çarçeweya kooperatîfî de ma kursê kilîman, neqş û deştiş, viraştişê tirşî, berardişê deterjanan akerd. Cinîyan bi keda xo xebatê cidî meşnayî. Ma beradrişê xo zî rotî marketan."

 

Sîneme va binê sîwana KADEMî de 50 cinî xebate kerdê û dimayê qayûm heme xebatkarê cinî ameyê îxrackerdiş û va nika qeza de xebatê cinîyan binê sîwana Gur KADEMî de bi îdarekerdişê camêrdan de yenê kerdene. Sîneme eynî wextî de da zanayîş ke weçînayîşê mintiqa nêzdî benê û va aye do şaredarîyo xo reyna peyser bigîrê û sazgehê xo newe ra bidê xebitnayîş.