STENBOL - Îdarekarê HDPî yê qezaya Stenbolî seba bale biancê serê çalakîya grevê vêşanî ya Leyla Guvene, pankart awanîyê partî de daliqnabî. Midurê polîsan seba pankarî veng da îdarekarê tê HDPî ke îfade bidê.

 

Hepisxaneyê Tîpê E yê Amedî de çalakîya grevê vêşanî ya Hemsereka Kongreya Komelê Demokratîk (KCD) û Parlementera HDPî ya Colemêrgî Leyla Guvene seba ke tecrîdê serê Rayberê PKKî Abdullah Ocalan bêro wedartiş, dest pêkerde û roja 56in de grev dewam keno.

 

Îdarekarê Partîya Demokratîke ê Şaran (HDP) ê qezaya Stenbolî seba bale biancê serê çalakîya Leyla, pankartê “Leyla Guvena ke vera tecrîdî grev de ya heqdar a" daliqnabî. Mudirê Polîsan derheqê pankartî de veng da îdarekaranê HDPî ke îfade bidê. HDPî goreyê “Qanûnê vera kombîyayîş, rayşîyayîş û çalakîyan hûmara 2911” yenê sucdarkerdiş