COLEMÊRG - Qezaya Geverî de wextê çalakîyê hêrişê serê Kobanî yê ke mabêne 6-7ê Teşrîna Verêne serra 2014an de ameyî meydan, netîceyê bombaya hetê polîsan ra ame eştiş salona sporî amî veşnayîş û kewte rewşa ke êdî nêro xebitnayîş. Salona ke ne yena tamîrkerdiş ne zî yena rijnayîş bîya halînê esrarkêşan. 

 

Qezaya Geverî de taxa Yenîyî serra 2014an wextê  çalakîyê 6-7 Teşrîna Verêne ke vera hêrişê serê Kobanî de ameyî kerdiş de salona sporî ya sergirewtî netîceyê bombakerdişê polîsan de amî veşnayîş û kewte rewşa ke êdî nêro xebitnayîş. Veşnayîşê salone tewr zêde tesîrê xo serê ciwan û astengdaran kerde. Salona ke ne yena tamîrkerdiş û ne zî yena rijnayîş seba ke sey halînê kesê tiryakî xebitnenê yena xebitnayîş, asayîşê welatîyê taxe kena xeter. Welatîyê taxe reaksîyon ramojnayî selahîyetdaran û vatî ke asayîşê ganê înan û ê domananê înan çin o."

 

'Bi zanebîyayîş çareser nêkenê'

 

Welatîyê ke seba asayîşî nêwaşt nameyê xo bido, dîyar kerd ke dewlete bi zanebîyayîş nê problemî çareser nêkena û wina va: "Verê tîya salona sporî bî û ci de spor ameyne kerdiş. La wextê hedîseyê 6-7 teşrîna verêne de amî veşnayîş. Bi 5 serrî yo na awanî rê çareserî nêameyo vînayîş. Awanîya ke ameya veşnayîş, vernîya xeterî akena. Senîn beno ke heta nika nêeşkenê çareserîke bivînê? Awanî terkê qedera xo ameya kerdiş. Seba ke no ca cayê wendegehî yo ciwanan rê, cinîyan û domanan rê tehluke yo. Ma bi çimanê xo vînenê ke na awanî de tiryakî yenê xebitnayîş. Xora wexto ke merdim keweno mîyanê awanî, no baş yeno vînayîş. 5 serrî yo hetê dewlete ra tu çareserî awanî rê nêameyo vînayîş. No çî çîyêke rêze ra nîyo. Ma wina fikrîyenê ke bi zanebîyayîş awanî rê çareserî nîno vînayîş. Vernîya tiryakîyan akeno. Ma wazenê ke çareyêke awanî rê bêvînê."