ÎZMÎR - B.K.D yo 16 serre wexto ke şîne pîrozbîyayîşê Newroze, seba puşîya kesk, sûr û zer ci dir estbi, ame tepiştiş û bi îdiayê ‘teşebusê propaganda kerdo' 10 aşmî ceza ci rê ame birnayene. Dewa berdî Dadgeha Destûrê Bingehîn.

 

Îzmîr de 10 ci ra doman 60 kesê ke beşdarê Newroza 21ê Adara 2018an de bibî, ameyî tepiştiş. Makyajê cinîyan zî propaganda ame hesibnayîş û domano 16 serre bi nameyê B.K.D zî seba puşîya kesk, sûr û zer ame tepiştiş. Derheqê ey de bi idîayê propagandayê rêxistine kerdo dewa ame akerdiş û Yewin Dadgeha Cezaya Giran ya Domanan ê Îzmîr de ame muhakemekerdiş. Roniştiş 17ê Kanûne de ame vînayîş û 10 aşmî ceza ci rê ame birnayîş. Ceza 3 serrî amî taloqkerdiş.

 

Avûkatê dewa zî bi sebebê ‘azadîya îfadeyî ame astengkerdiş' dosya eşrawit Dadgeha Destûrê Bingehîn. Avûkatî dîyar kerd ke goreyê qerarê DDBî do dosya bi eşrawê Dadgeha Heqê Merdiman ê Ewropa.