ŞIRNEX - Bajarokê Balverenî ê Şirnexî de karkerê ke ocaxa Komirî de mîyanê şertê giran de xebitîyenê, ame zanayîş ke 5 aşmî yo meaşê înan nêdayê.

 

Ocaxa Komirî yê Şirnexî ke sey çalê mergî yenê binamekerdiş, xeylê bi metodê teberê qanûnî yenê xebitîyene. Ocaxa Komirî yê serrê 1970 heta nika estê, dimayê serrê 1990î dima bi sebebê kaçax ê ameyî padayîş. Dimayê nê bi rayîrê kaçax reyna ameyî akerdiş û serrê 90 ra heta nika bi qezayê ke tede yenê cuyayîş yenê rojeve. Serra vîyarte de aşma temmuze de ocaxa komirî yê 5 kîlometre Şirnex ra dûrî ya hezaz ame meydan û 8 kesî cuya xo vindî kerd. Dima ra ocaxa bajarokê Balverenî de zî kewtibî çale awe û cuya xo vindî kerdî.

 

'Ma bi deyn debara xo kenê'

 

Vejîya meydan ke ocaxêke komirî yê eynî mintiqa de karkerî rewşa giran de xebitîyenê û heto bîn ra 15 xebatkarê bi 5 aşmî maeşê înan nêdanê. Bi sebebê ke komiro ke vejîyeno nîno rotiş, pereyê karkeran nîno dayîş. Karkeran dîyar kerdî ke bi 5 aşmî yo pereyê xo nêgirewtê, mexdûr bîyê û bi deyn debara xo kenê.