Rojda Aydin

 

MÊRDÎN - Ame îdîakerdiş ke dewa Şemrexî ya Mêrdînî de di mamostayê cinî hetê keya H.T.yo ke bi nizdîbîyayîşê xo yê AKPyî yeno zanayene ra raştê tacîzo zayendî ameyî. Şahidî dîyar kerdî ke keya wezîfe ra ameyo girewtiş û mamostayan zî erşawitî mektebanê sewbîna.

 

Ame îdîakerdiş ke dewa Şemrexî ya Mêrdînî de di mamostayê cinî hetê keya H.T.yo ke bi nizdîbîyayîşê xo yê AKPyî yeno zanayene ra raştê tacîzo zayendî ameyî. Goreyê îfadeyê şahidan hedîse 11 rojî verê qewimîyayo û badê ke mamostayî keya H.T.yî gerre kerdî bi piştîya kesê AKPyijan hedîseyê tacîzî ameyo padayîş. Şahidî dîyar kerdî ke keya H.T.yî wezîfe ra ameyo girewtiş û mamostayî zî erşawitî mektebanê sewbînayan. Sewbîna zî ame vat işe keya H.T.yî xeylê reyan tewrê dawetanê AKPyî bîyo.

 

Îdiaya keya wezîfera ameyo girewtene

 

Şahidê hedîseyî dayî zanayene ke Walîtîya Mêrdînî û Qeymeqamî H.T.yî wezîfe ra girewtî û mamostayî zî hetê MEBî ra tayînê sewbîna mekteban bîyî. Şahidî sewbîna îdîa kerdî ke mamostayî badê zextan îfadeyê xo tepîya antî û mamostaya ke wextê tacîzî de ameya derbkerdiş rapor girewta û daya emnîyetî.

 

Ma xo resna mamostayan û mamostayî dîyar kerdî ke ê nêeşkenê derheqê babete de malumat bidî û seba ke hema zî zext esto ê nêeşkenê qisey bikerî.