AMED - Rojnameger Kîbrîye Evrene ke hepisxaneyê Tîpê E yê Amedî de tepişnayeya, 16ê Kanûne de vera tecrîdî dest bi grevê bêdem û bêagêrayîşî kerda, mektuba ke eşrawita de wina va: "Ma bi vatişê Gramsî ke ‘bixovîrradiş xoverdayîş o' biqerarbîyayîşê xo yê heqdar reyna kenê. Ma hêvîya ke serra newe bibo serra xoverdayîş î. Bi xoverdayîşê grevê vêşanî yê bêdem û bêagêrayîşî piştdayîşê cinîyê xurtan kenê û serra newe ya xoverdayîşî pêşwazî kenê. Ma nika de serra newe ya xoverdayîşî pîroz kenê."

 

Rojnameger Kîbriye Evrene ke hepisxaneyê Tîpê E yê Amedî de tewqîfkerde ya, 16ê Kanûne de dest bi grevê vêşanî yê bêdem û bêagêrayîşî kerde. Kîbrîye mektuba ke eşrawita nasnameyê rojnamegerîya xo û proseso ke yeno cuyayîş şîrove kerde.

 

Kîbrîye mektuba ke eşrawita ajansê ma rê wina va:

 

“Seserra 21ê de ferasetê netew-dewletî, bi heme metodê serdestî her tewir hacetê şîdetî bi ca anê û bîyayîşê xo dewam kenê. Coka sebebê ke ewro kesê ke muxalefet kenê û xo ver danê yenê tepiştiş. Îqtîdar seba xo saxlem bikero her tewir şîdet xebitneno, la zemînê puyaye de qetî mehkumê vindikerdişî yo. Seba ke zanê ma kesê ke ferqê nê de yê, ma gênê û kenê hepisxaneyan. Ez sey cinîyêke rojnameger tîya de ya.

 

Wezîfeyê rojnamegeran awankerdişê zuran nîyo, rastin o yo ke zuran ra bixelisnê. Nê rayîrê têmîyan de rîsk girewtişî yo û parekerdişê rastîyan bi komel û dinya dir o. Çimeyê motîvasyonî esasê girewtişê rîskî zî wijdan û ehlaq ra yeno. Ez sey rojnamegerêke seba meslekê xo bi nê metodan bi ca bîyarî ez ewro tepişnayî ya.

 

'Tecrîd suc o, îqtîdarî zî nê zanê'

 

Hepisxaneyo ke ez nika ci de ya Leyla Guvene bi vengêke berz va tecrîd sucê merdimayî yo. Ez bi cinîyê ke bendenê xo dayê verê mergî, tîya ya. Tecrîd sucê merdimayî yo. Îqtîdar ke nê sucî kenê zî zanê no suc o. Taybetîya ma a ya ke ma reyna esasê erj û metodê ke pawenê de vera nê sucê îradeyê xoverdayîşî ramojnenê. Mi sey rojnamegerêke şahidê xoverdayîşê Leylaye kerda, dest bi grevî kerda.

 

Şiknayîşê tecrîdê serê Birêz Abdullah Ocalanî, şiknayîşê tecrîdê serê mîlyonan kesî yo. Nêvînayîşê tesîrê Birêz Ocalanî ê serê mîlyonan kesan, yeno manaya nêvînayîşê wijdan û edaletê sere de ê şarê Kurd û şaran o. Waştişê m ayo sereyîn wedartişê tecrîdê serê Birêz Ocalanî yo. Ma heme kesan dawet kenê ke bar û xoverdayîşê cinîyê Kurdan ê ke bedenê xo dayê verê mergî, wedarnê. Bêvengî û vera mergî temaşekerdox mendiş, bêşik sey tecrîdê sûcê merdimayî yo.

 

Ma bi vatişê Gramsî yê ke ‘bivîrardiş xoverdayîş o' qerarbîyayîşê xoverdayîşê xo yê heqdar reyna kenê. Ma hêvîya ke serra newe biba serre xoverdayîşî, bi xoverdayîşê grevê vêşanî bêdem û bêagêrayîşî piştdayîşê cinîyan xurt kenê û serra newe ya xoverdayîşî pêşwazî kenê. Ma nika de serra newe ya xoverdayîşî pîroz kenê."