BALIKESÎR - Zîndanê Girewteyî yê Tîpê Tyî yê Burhanîye yê Balikesîrî de 4 cînîyê tepişteyî 6 rojî yo grevê vêşanîye yê bêdem-bêagêrayîşî de yê. Reyna Zîndanê Sîncanî de zî 3 cinîyan dest bi grevê vêşanîye yê bêdem-bêagêrayîşî kerd.

 

Fîgen Şahîne ke Zîndanê Girewteyî yê Tîpê Tyî yê Burhanîye yê Balikesîrî de yena tepiştene û rîyê vînayîşê îşkeceyî ra cuwa ver ameyebî rojdem, da pêhesnayene ke aye pa embazanê xo Emîne Kiliçe, Gulîstan Tekine û Çîgdem Şakare 6 rojî yo dest bi grevê vêşanîye yê bêdem-bêagêrayîşî kerdo.

 

Mesajo ke Fîgene bi waya xo Nîrgul Turhale şawit wina va: "Rewşê ma hewl o û moralê ma berz o. Grevê vêşanîye ke heme zîndanan de ameyî destpêkerdene hêz danê ma. Bi sebebo ke nê xoverdayîşê serkewtişî de ma zî beyraqê xoverdayîşî kirişenê, ma bicoş û biheyecan ê. Eke ma sereberz vinderê, ma qezenc kenî û ma do qezenc bikerê. Serra neweye do serra ma ya xoverdayîşî bo. Ma xoverdayîşê Leyla Guvene silam kenî. Waştişê Guvene waştişê ma yo.‘‘