ŞIRNEX - Kênaya Osman Kaplanî ke ey qirkerdişê qirkerdişê Roboskî de cuya xo vindî kerd, Hulyaya 15 serrî wina va: "Gorê pîyê mi nêzdî ma yo. Sey ke nêmerdo. Ma pîl bî. Çîyê a roje ma fam nêkerdêne, la ma nika fam kenê. La dewlete hema fehm nêkerda ke se bikera."

 

Dewa Roboskî yê Qilabanî ê Şirnexî de 7 serrî verê, 34 cenaze ke hîn seba pereyê nanê xo, hîn seba telefonêke, hîn zî şîyayeyê wendegehî şî sînor, ameyî. 28 heb eynî keyeyî ra 34 kes bi bombayan ameyî qetilkerdiş.

 

Dewa Roboskî ke şînê 34 kesan hema dewam keno, her yew hîkayeyêke înan estbi û her yew xeyalê înan û waştîya înan estbî. Seba amancêke kewtî nê rayîrî. Yew ê kesan ra Osman Kaplano pîyê 5 domanan bi.

 

Mektuba ke serê nameyê Osmanî hetê Platformê Edeletî yê Roboskî de ame nuştiş wina ame vatiş: "Ez bawer a ke kes nêbîyo şahidê ke mi cil û belgêke newe dayê xo ra. Sey ke şima fehm kerd ke ez zaf feqîr bîya. Hem zî zaf. A şewe ê bombayê ke kewtê serê ma, keyeyê ma tewr feqîr kerd. Nika domanê mi hem feqîr û hem zî bê pî yê."

 

Kêna ey Hulya ke wexto ke pîyê aye cuya xo vindî kerd 8 serrî bî wina vana: "Wexto ke pîyê mi cuya xo vindî kerd, ez qij bîya. Mi zaf pîyê xo ra hes kerd. Wexto ke pîyê mi ame qetilkerdiş, ma şî cayê hedîse. Ma nêzana ma sebikerê. Dejê ci tewr teze yo. Ez zaf bêrîye ey kena. Gorê pîyê mi nêzdîyê ma yo. Sey ke nêmerdo. Ez vana qey her wext verê ma de yo."

 

Hulyaye seba pîyê xo û 33 kesê bînan edalet waşt û va: "Dayîka mi esta la ez zaf bêrîya wextê verê kena. Ez seba pî û her kesê bîn edalet wazena. Ma a roje çîyêk fehm nêkerdêne. Ma pîl bî ma her çî fehm kerd la dewlete çîyêke fehm nêkerda."

 

'Dejê ey nîno xovîrrakerdiş'

 

Cinîya ey Pakîze Kaplane zî wina va: "Bi 7 serrî yo ma pey dewaya xo yê. Dosya şî Ewropa la amî redkerdiş. Ma wazenê sucdar bêrê cezakerdiş. Wa kes şehîdê Roboskî xo vîr ra nêkero. Domanî her wext bêrîya pîyê xo kenê. Ez tena înan pîl kena. Ma zaf mexdûr bî. Dejê Osmanî zaf pîl bi. Ma qetî nê dejî xo vîr ra nêkenê. Ma edalet wazenê. Ma wazenê ke sûcdarî bêrê cezakerdiş."