IDIR - Idir de 9 kesê ke operasyonanê qirkerdişê sîyasîyî de ameybî destbendkerdene înan ra 3 kesî dimayê mehkeme ra ameyî tepiştene.

 

Sereştişanê keyeyan de ke tarîxê 18ê Kanûne de merkezê ci Idir de ameybî viraştene parlamentera Partîya Şaran a Demokratîke (HDP) ya verêne Kiznaz Turkelî, hemsereka Şaredarîya Idirî Şazîye Ondere û hemserekê Şaredarîya Tozanî Mehmet Gultekîn, hemsereka HDPyî ya Bajarî ya verêne Oya Malgaze û hemwelatijan ra Vedat Yilmaz, Kadîr Ozsular, Adem Kartal, Zubeyde Kaynare û Ayşe Bagişe ameybî destbendkerdene. Ozsular dimayê îfadedayîşî serbest ame veradayene. La 9 kesê bînî vizêr bişewe sewqê adlîye ameyî kerdene.

 

9 kesê ke dimayê îfadeyê xo yê dozgerîye ra bi waştişê tepiştişî sewqê mehkeme ameyî kerdene înan ra hemserekê bajarî yo verên Cesîm Katar, Adem Kartal û Vedat Yilmaz bi îdîaya "endamîya organîzasyonî" ameyî tepiştene. 6 kesê bînî serbest veradîyayî.